03 جون ، 2022 
ایلون مسک کا ایک اور حیرت انگیز منصوبہ
03 جون ، 2022
ٹیسلا اور اسپیس ایکس کے بانی ایلون مسک کو ان کے منفرد منصوبوں کے لیے جانا جاتا ہے، جیسے انسانوں کو مریخ پر بھیجنا، دماغ میں چپ کو نصب کرنا اور ٹریفک سے بچنے کے لیے میلوں لمبی سرنگوں کی تعمیر وغیرہ۔
اب وہ انسان نما روبوٹس کی تیاری کے منصوبے پر کام کررہے ہیں۔
ایلون مسک کے مطابق یہ روبوٹ 'بیزار کن کام' جیسے کمرے کی صفائی، بازار سے سامان لانا یا دیگر کرسکیں گے۔
ایلون مسک نے پہلے اس منصوبے کا اعلان اگست 2021 میں کیا تھا اور اب ان انہوں نے عندیہ دیا ہے کہ ایسے پروٹوٹائپ روبوٹ 2022 کی تیسری سہ ماہی کے اختتام تک پیش کیے جاسکتے ہیں۔
ان روبوٹس کو آپٹیمس کا نام دیا گیا ہے اور ان کے بارے میں مزید تفصیلات ٹیسلا اے آئی ڈے 2 نامی ایونٹ میں بتائی جائیں گی۔
اگست 2021 میں ٹیسلا اے آئی ڈے ایونٹ میں زیادہ توجہ کمپنی کے سیلف ڈرائیونگ پروگرام پر دی گئی تھی اور اس موقع پر انسان نما روبوٹ کے منصوبے کا اعلان بھی کیا گیا تھا۔
ٹوئٹر پر اپنے ایک پیغام میں ایلون مسک نے بتایا کہ اس سال ٹیسلا اے آئی ڈے ایونٹ کو 30 ستمبر تک ملتوی کردیا گیا ہے کیونکہ ابھی ہم پروٹوٹائپ روبوٹ پر کام کررہے ہیں۔
کچھ عرصے قبل ایلون مسک نے کہا تھا کہ وہ روبوٹس کی پروڈکشن 2023 میں شروع کرنے کے خواہشمند ہیں۔
جنوری 2022 میں انہوں نے بتایا تھا کہ شروع میں یہ روبوٹ سادہ کام کرنے کے لیے پروگرام کیے جائیں گے۔
مگر ٹیسلا کی جانب سے وقت کے ساتھ ان روبوٹس کی صلاحیت کو بڑھایا جائے گا اور ان کو مشکل کاموں کے لیے بھی استعمال کیا جاسکے گا۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
