10 جون ، 2022 
گوگل میپس اب آپ کے ارگرد ہوا کا معیار بھی بتائے گا
10 جون ، 2022
گوگل میپس آپ کو راستے تلاش کرنے میں تو مدد فراہم کرتا ہے مگر اب یہ سروس تازہ ہوا میں سانس لینا بھی ممکن بنائے گی۔
گوگل کی اس مقبول سروس میں ائیر کوالٹی لیئر نامی فیچر کا اضافہ کیا جارہا ہے جو صارف کے ارگرد موجود ہوا کے معیار کے بارے میں بتائے گا۔
یعنی آپ کے ارگرد ہوا خراب ہے یا اچھی، گوگل میپس سے جاننا ممکن ہوگا۔
ان تفصیلات کو جان کر آپ زیادہ بہتر فیصلہ کرسکتے ہیں کہ گھر سے باہر جانا چاہیے اور اگر جانا لازمی ہے تو وقت کے دورانیے کا فیصلہ کرنے میں بھی مدد مل سکے گی۔
گوگل میپس میں یہ تفصیلات قابل اعتبار ماحولیاتی اداروں کے ڈیٹا کے ذریعے فراہم کی جائیں گی۔
یہ فیچر استعمال کرنے کے لیے سیٹنگز مینیو میں جاکر وہاں ائیر کوالٹی آپشن کو سلیکٹ کرنا ہوگا۔
یہ فیچر فی الحال صرف امریکا میں متعارف کرایا جارہا ہے مگر امکان یہی ہے کہ آنے والے مہینوں میں دنیا بھر میں صارفین اسے استعمال کرسکیں گے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
