13 جون ، 2022 
کئی برس بعد نئے آئی فونز میں سیلفی کیمرا اپ گریڈ ہونے کا امکان
13 جون ، 2022
ایپل کی جانب سے آئی فون 14 سیریز کو ستمبر میں متعارف کرائے جانے کا امکان ہے۔
مگر اس بار کے نئے آئی فونز کی ایک خاص بات ان میں پہلے سے بہتر سیلفی کیمرے کی موجودگی ہوگی۔
ایپل کی جانب سے کئی سال بعد آئی فون کے فرنٹ کیمرے کو اپ گریڈ کیا جارہا ہے۔
ایپل کی تفصیلات فراہم کرنے کے حوالے سے معروف تجزیہ کار منگ چی کیو نے بتایا ہے کہ آئی فون 11 کے بعد پہلی بار نئے آئی فونز میں فرنٹ کیمرے کو بدلا جارہا ہے۔
کمپنی کی تاریخ میں پہلی آئی فون 14 سیریز کے تمام فونز کے سیلفی کیمرے میں آٹو فوکس کا فیچر بھی دیا جارہا ہے۔
اسی طرح سیلفی کیمرے کے لیے ایک 6P لینس استعمال کیا جائے گا جو زیادہ بہتر ایف 1.9 آپرچر سے لیس ہوگا۔
آٹو فوکس فیچر سے کیمرا پرفارمنس بھی بہتر ہوگی کیونکہ اب زیادہ سے زیادہ افراد سیلفی کیمرے کو ویڈیو کالز کے لیے استعمال کررہے ہیں۔
البتہ ابھی یہ واضح نہیں کہ یہ نیا سیلفی کیمرا کتنے میگا پکسل کا ہوگا۔
اس وقت آئی فون 13 سیریز میں 12 میگا پکسل سیلفی کیمرا استعمال کیا جارہا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
بھارت نے واٹس ایپ پر 7 ارب روپے سے زائد کا جرمانہ عائد کردیا
19 نومبر ، 2024
واٹس ایپ گروپس کے لیے ایک بہترین فیچر متعارف
17 نومبر ، 2024
