15 جون ، 2022 
کرپٹو کرنسی اور این ایف ٹیز کے بارے میں بل گیٹس کی کیا رائے ہے؟
15 جون ، 2022
مائیکرو سافٹ کے شریک بانی بل گیٹس نے کرپٹو کرنسی پراجیکٹس بشمول نان فنجیبل ٹوکن (این ایف ٹی) کو مسترد کرتے ہوئے انہیں دھوکا دہی کا ذریعہ قرار دیا۔
14 جون کو ایک کانفرنس سے خطاب کے دوران انہوں نے ڈیجیٹل اثاثوں پر تنقید کرتے ہوئے کہا کہ یہ بنیادی طور پر لوگوں کو بیوقوف بنانے کے خیال پر مبنی ہوتے ہیں۔
اس کے لیے انہوں نے گریٹر فول تھیوری کے الفاظ استعمال کیے، جس سے مراد یہ ہے کہ ایک شخص کسی چیز کو اس کی اصل قیمت سے زیادہ مہنگے داموں میں خریدتا ہے تاکہ اس سے بھی بڑا احمق یہ چیز اس سے بھی زیادہ قیمت پر خرید لے۔
بل گیٹس نے طنز کرتے ہوئے کہا کہ یقیناً بندروں کی مہنگی ڈیجیٹل تصاویر سے دنیا میں فوری بہتری آسکتی ہے۔
مائیکرو سافٹ کے شریک بانی اس سے قبل بھی کرپٹو کرنسیوں پر تنقید کرتے رہے ہیں۔
گزشتہ سال ایک انٹرویو کے دوران انہوں نے کہا تھا کہ جب تک آپ ٹیسلا کے سی ای او ایلون مسک جتنے امیر نہ ہوں، اس وقت تک بٹ کوائن نہ خریدیں۔
ان کا کہنا تھا کہ ڈیجیٹل کرنسی کی مائننگ ماحولیات کے لیے نقصان دہ ہے۔
اس نئے خطاب میں بل گیٹس نے ڈیجیٹل بینکنگ سروسز کا دفاع کرتے ہوئے کہا کہ یہ سروسز کرپٹو کرنسیوں کے مقابلے میں سیکڑوں گنا زیادہ فائدہ مند ہیں۔
مزید خبریں :
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
