ویڈیو: ریسٹورینٹ میں چھولے بٹورے کی پلیٹ سے چھپکلی برآمد
16 جون ، 2022
بھارتی شہر چندی گڑھ کے ایک ریسٹورینٹ میں ڈاکٹر کے آرڈر کیے گئے کھانے سے چھپکلی نکل آئی۔
بھارتی میڈیا رپورٹ کے مطابق چھپکلی رواں ہفتے چندی گڑھ کے ایک مال میں موجود فوڈ کورٹ سے آرڈر کیے جانے والےکھانے سے نکلی۔
رپورٹس کے مطابق رات 10 بجے ڈاکٹر نے چھولے بٹورے آڈر کیے تاہم چھپکلی نکلنے پر ڈاکٹر نے فوری طور پر ہیلتھ ڈیپارٹمنٹ کو اطلاع دی اور انہوں نے کھانے کے نمونے حاصل کرلیے۔
ہیلتھ ڈیپارٹمنٹ کے مطابق حاصل کیے گئے نمونوں کو لیبارٹری ٹیسٹ کے لیے بھیج دیا جائے گا جس کی رپورٹ 15 دن کے بعد آئے گی۔
