گوگل میپس اوپن کیے بغیر ٹریفک صورتحال جاننا اب ممکن

یہ ویجیٹ آنے والے دنوں میں دستیاب ہوگا / فائل فوٹو
یہ ویجیٹ آنے والے دنوں میں دستیاب ہوگا / فائل فوٹو

گوگل میپس کا استعمال اکثر افراد اپنی منزل تک پہنچنے یا راستے میں ٹریفک کی روانی جاننے کے لیے کرتے ہیں۔

مگر اب آپ کو اپنے اردگرد ٹریفک کی صورتحال جاننے کے لیے گوگل میپس ایپ اوپن کرنے کی ضرورت نہیں ہوگی۔

گوگل کی جانب سے میپس کا ایک نیا ویجیٹ متعارف کرایا جارہا ہے جو فون کی ہوم اسکرین پر ہی ٹریفک کی روانی کی پیشگوئی کرسکتا ہے۔

گوگل کی جانب سے بتایا گیا کہ اس ویجیٹ سے صارفین آسانی سے فون کی اسکرین پر ہی ٹریفک کی صورتحال کو دیکھ سکیں گے۔

کمپنی کی جانب سے ویجیٹ میں زوم ان اور آؤٹ کا فیچر بھی فراہم کیا جائے گا تاکہ اس مقصد کے لیے ایپ اوپن کرنے کی ضرورت نہ پڑے۔

گوگل میپس کی یہ سہولت سب سے پہلے اینڈرائیڈ صارفین کے لیے دستیاب ہوگی جبکہ کمپنی نے آئی او ایس ڈیوائسز کے لیے اسے متعارف کرانے کے بارے میں کچھ نہیں بتایا۔

یہ ویجیٹ آنے والے ہفتوں میں صارفین کو دستیاب ہوگا۔

گوگل کی جانب سے جی میل، ٹو ڈو لسٹ اور ٹرانسلیشن ویجیٹس کو بھی آنے والے ہفتوں میں اپ ڈیٹ کیا جائے گا۔

کمپنی کا کہنا تھا کہ صارفین اپنی سہولت کے مطابق ویجیٹس کو ہوم اسکرین پر ری سائز بھی کرسکیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM