پیزا شاپ میں زیادتی سے بچنے کیلئے تیزاب پینے والی لڑکی کا مؤقف سامنے آگیا

رحیم یار خان کے پیزا شاپ میں مبینہ زیادتی سے بچنے کیلئے تیزاب پینے والی لڑکی کا مؤقف سامنے آگیا۔

پولیس نے متاثرہ لڑکی کی مدعیت میں مقدمہ درج کرلیا ہے۔ ایف آئی آر کے مطابق لڑکی نے مؤقف اپنایا ہے کہ جی ایم نے اسے بیسمنٹ میں بلایا جہاں اس کے ساتھی مرد اور خواتین موجود تھے۔

خان پور: زیادتی سے بچنےکیلئے لڑکی نے تیزاب پی لیا

لڑکی نوکری کے لیے فوڈ شاپ گئی تھی، لڑکی کو تشویش ناک حالت میں اسپتال منتقل کردیا گیا ہے، جہاں اس کا علاج کیا جارہا ہے، پولیس

لڑکی نے بتایا کہ وہ ڈر کر  بھاگی اور خود کو واش روم میں بند کرلیا۔

ایف آئی آر کے مطابق لڑکی نے بتایا کہ مبینہ زیادتی سے بچنے کیلئے اس نے واش روم میں رکھا ہوا تیزاب پی لیا۔

خیال رہے کہ گزشتہ روز یہ خبر آئی تھی کہ ایک لڑکی نے مبینہ زیادتی سے بچنے کیلئے تیزاب پی لیا ہے جسے تشویش ناک حالت میں اسپتال منتقل کیا گیا ہے۔

اس حوالے سے  پولیس کا کہنا تھا کہ دو لڑکیوں سمیت پانچ ملزمان کا گروہ لڑکیوں سے زیادتی میں ملوث ہے، ملزمان ضرورت مند لڑکیوں کو ملازمت کا جھانسہ دے کر بلاتے ہیں اور مختلف طریقوں سے بلیک میل کرکے بدفعلی پر مجبور کرتے ہیں۔

متاثرہ لڑکی نے بتایا ہےکہ اور بہت سی متاثرہ لڑکیاں بھی ہیں جو بے عزتی کے ڈر سے سامنے نہیں آرہیں۔

پولیس کا کہنا ہے کہ متاثرہ لڑکی کے بیان کے بعد تحقیقات کر رہے ہیں اور  ملزمان کی تلاش جاری ہے۔