عامر لیاقت کے پوسٹ مارٹم کیلئے میڈیکل بورڈ تشکیل

کراچی: عامر لیاقت حسین کے پوسٹ مارٹم کے  لیے میڈیکل  بورڈ تشکیل دے دیا گیا۔

جیونیوز کے مطابق عامر لیاقت حسین کے پوسٹ مارٹم کے لیے پولیس سرجن ڈاکٹر سمعیہ کی سربراہی میں 6 رکنی میڈیکل  بورڈ تشکیل دیا گیا ہے جس کا نوٹیفکیشن بھی جاری کردیا گیا ہے۔

نوٹیفکیشن کےمطابق ایڈیشنل پولیس سرجن شاہد نظام، ایچ او ڈی فارنزک میڈیسن جناح پرویز مخدوم، ایم  ایل او ڈاکٹر اریب بقائی، فارنزک ایکسپرٹ ڈاکٹر ہری رام اور ڈاکٹر گلزار علی میڈیکل بورڈ میں شامل  ہیں۔

نوٹیفکیشن کے مطابق 23جون کو صبح ساڑھے 9 بجے عامر لیاقت کی قبر کشائی ہوگی۔

خیال رہےکہ ممتاز ٹی وی اینکر، مقرر اور ایم این اے عامر لیاقت 9 جون کو اپنے کمرے میں بے ہوش پائے گئے تھے، ملازمین کی اطلاع پر عامر لیاقت کو اسپتال منتقل کیا گیا جہاں ان کی موت کی تصدیق کی گئی۔

عامرلیاقت کے پوسٹ مارٹم کے عدالتی حکم پر عملدرآمدکا آغاز

محکمہ صحت سندھ نے پوسٹ مارٹم کے لیے پولیس سرجن کو خط لکھ کر متعلقہ اداروں کو مطلع کرنے اور ضروری اقدامات کی ہدایت کی ہے

عدالت نے عامرلیاقت کے پوسٹ مارٹم کا حکم دے دیا

'موت مشکوک ہو اور جرم کا بھی خدشہ ہو تو انصاف کے نظام کو حرکت میں آناچاہیے، جوڈیشل مجسٹریٹ شرقی کی عدالت کا تحریری حکم نامہ