ٹوئٹر پوسٹ میں 280 حروف کی حد ختم کرنے کا فیصلہ

یہ فیچر آئندہ چند ہفتوں میں متعارف کرائے جانے کا امکان ہے / رائٹرز فوٹو
یہ فیچر آئندہ چند ہفتوں میں متعارف کرائے جانے کا امکان ہے / رائٹرز فوٹو

ٹوئٹر کی جانب سے ایک ایسے فیچر کو جلد متعارف کرایا جارہا ہے جو طویل تحریروں کو پوسٹ کرنا ممکن بنادے گا۔

اگر یہ فیچر متعارف کرایا جاتا ہے تو پھر آپ کو ایک ٹوئٹ 280 حروف میں مکمل کرنے کی فکر نہیں رہے گی۔

ٹیک کرنچ کی رپورٹ کے مطابق ٹوئٹر نوٹس نامی یہ فیچر آئندہ چند ہفتوں میں متعارف کرایا جاسکتا ہے۔

اس فیچر کے بارے میں لیکس کئی ماہ سے سامنے آرہی تھیں اور مئی میں ایپ ریسرچر جین منچون وونگ نے اس کا ایک اسکرین شاٹ بھی شیئر کیا تھا۔

اس اسکرین شاٹ میں اسے ٹوئٹر آرٹیکل کا نام دیا گیا تھا۔

اب نئی رپورٹ میں بتایا گیا کہ ٹوئٹر ایپ کے بیٹا ورژن میں یہ فیچر موجود ہے جس سے عندیہ ملتا ہے کہ اسے آئندہ چند ہفتوں میں متعارف کرایا جاسکتا ہے۔

اس فیچر میں طویل تحریروں کے لیے فارمیٹنگ اور میڈیا آپشنز بھی دستیاب ہوں گے اور انہیں پبلش کرکے فالوورز سے شیئر کیا جاسکے گا۔

طویل تحریروں کے اضافے سے ٹوئٹر میں بڑی تبدیلی آئے گی جہاں کم از کم الفاظ میں لوگ اپنی بات مکمل کرنے کی کوشش کرتے ہیں۔

پہلے ایک ٹوئٹ میں صرف 140 حروف استعمال ہوسکتے تھے، 2017 میں حروف کی تعداد 280 کی گئی تھی۔

زیادہ بڑی تحریر کے لیے لوگوں کو ایک ہی تھریڈ میں کئی ٹوئٹس کرنا ہوتے ہیں۔

کمپنی کو توقع ہے کہ زیادہ بڑی تحریروں سے سنجیدہ پوسٹس کو زیادہ اہمیت مل سکے گی۔

اسی طرح مضامین یا بلاگز براہ راست ٹوئٹر پر شائع کرنا بھی صارفین کی توجہ حاصل کرسکے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM