بہروز سبزواری کی معافی پر خلیل الرحمٰن کا ردعمل آگیا

سینئر اداکار بہروز سبزواری کی جانب سے کی جانے والی معذرت پر ڈرامہ رائٹر خلیل الرحمٰن قمر کا ردعمل سامنے آگیا۔

کچھ روز قبل بہروز سبزواری نے جیو نیوز کے پروگرام 'ہنسنا منع ہے' میں شرکت کی تھی، انہوں نے خلیل الرحمٰن سے متعلق کہا تھا کہ اگر وہ رائٹر نہ ہوتے تو کسی سے مار کھارہے ہوتے۔

بعدازاں بہروز سبزواری نے ایک ویڈیو پیغام کے ذریعے خلیل الرحمٰن قمر سے معافی مانگی اور کہا کہ میں نے یہ بات محض مذاق میں کی تھی تاہم اب خلیل الرحمٰن کی جانب سے اس پر ردعمل دیا گیا ہے۔

خلیل الرحمٰن قمر نے  ٹوئٹر  پر بہروز سبزواری کی ویڈیو شیئر کی اور لکھا کہ  ’بہروز بھائی کی یہ ویڈیو دیکھ کر میری درخواست ہے کہ اس حوالے سے کوئی چینل یا یوٹیوبر مجھ سے رابطہ نہ کرے‘۔

انہوں نے کہا کہ  ’مجھے معلوم ہے ایسی کوئی بات انہوں نے محض مذاق میں کہی تھی اور ان سے میری محبت ایسی ہے کہ وہ میرے بارے میں جو جی میں آئے کہہ سکتے ہیں‘۔

خلیل الرحمٰن قمر اگر رائٹر نہ ہوتے تو کسی سے پِٹ رہے ہوتے: بہروز سبزواری

بہروز سبزواری اداکار جاوید شیخ کے ہمراہ جیو نیوز کے پروگرام 'ہنسنا منع ہے' میں شریک ہوئے

ویڈیو: بہروز سبزواری نے خلیل الرحمٰن قمر سے معافی مانگ لی

خلیل الرحمٰن اتنے بے باک ہیں صرف اسی وجہ سے میں نے یہ بات کی تھی، مجھے امید ہے کہ خلیل بھائی میری بات کو در گزر کریں گے: بہروز سبزواری