وزیراعظم نے فضائی مسافروں پر فیڈرل ایکسائز ڈیوٹی معطل کرنے کا حکم دے دیا

وزیراعظم شہباز شریف نے فضائی مسافروں سے 50 ہزار روپےتک فیڈرل ایکسائز ڈیوٹی کی وصولی کا حکم نامہ فوری طور پر معطل کرنے کا حکم دے دیا ہے۔

وزیر اعظم نے فیڈرل بورڈ آف ریونیو (ایف بی آر) کی جانب سے ہوائی جہاز کے  بزنس کلاس سے سفر کرنے والے مسافروں سے50  ہزار روپے  تک فیڈرل ایکسائز ڈیوٹی کی وصولی کا نوٹس لیتے ہوئے غیر قانونی فیڈرل ایکسائز ڈیوٹی کا حکم نامہ فوری  طور پر معطل کرنے کا حکم دے دیا ہے۔

ایف بی آر نے ائیرلائن کے بزنس کلاس ٹکٹ پر ٹیکس بڑھا دیا

بزنس کلاس ٹکٹ پر ٹیکس میں 10 ہزار سے 50 ہزار روپے تک کا اضافہ کیا گیا ہے، اضافے کا اطلاق یکم جولائی سے ہوچکا ہے: حکام ایف بی آر

خیال رہے کہ ایف بی آر کی جانب سے ہوائی جہاز کے بزنس کلاس ٹکٹ پر ٹیکس میں 10 ہزار سے 50 ہزار روپے تک اضافے کا حکم نامہ یکم جولائی سے لاگو  کیاگیا تھا۔

اب وزیر اعظم شہباز شریف نے ایف بی آر کے جاری کردہ نوٹیفکیشن کا نوٹس لیتے ہوئے اسے معطل کرنے کا حکم جاری کر دیا ہے۔