15 جولائی ، 2022 
شیخ رشیدکی اسٹیبلشمنٹ سے لڑائی کی مخالفت، عمران خان کو صلح کا مشورہ
15 جولائی ، 2022
عوامی مسلم لیگ کے سربراہ اور سابق وزیر داخلہ شیخ رشید نے چیئرمین پی ٹی آئی عمران خان کو اسٹیبلشمنٹ سے صلح کا مشورہ دے دیا۔
گزشتہ روز پریس کانفرنس کرتے ہوئے شیخ رشید نے اسٹیبلشمنٹ سے لڑائی کی مخالفت کی اور عمران خان کو صلح کا مشورہ دیتے ہوئے کہا کہ جو ہونا تھا ہوگیا اب آگے چلیں، خواہش ہے عمران خان کی اسٹیبلشمنٹ سے صلح ہو جائے۔
سربراہ عوامی مسلم لیگ کا کہنا تھا کہ عمران خان کے خلاف تو تحریک عدم اعتماد آئی لیکن اصل ہاتھ نواز شریف کے ساتھ ہوا، نواز شریف کے دل میں جو ہے وہ دھرا رہ جائے گا، ہوگا وہی جو شہباز، زرداری اور فضل الرحمان چاہیں گے۔
شیخ رشید کا مزید کہنا تھا کہ 17 جولائی پاکستان کے سیاسی مستقبل کا فیصلہ کرے گا، جس تیر سے مخالفین نے ہمیں مارا اسی سے ان کو ماریں گے، اگر ضمنی انتخابات میں دھاندلی ہوئی تو عمران خان قوم کو کال دیں گے۔
