15 جولائی ، 2022 
پاکستان
عمران ریاض کا نام بلیک لسٹ میں شامل ہے اور وہ لاہور سے دبئی جا رہے تھے— فوٹو: فائل
ضمانت پر رہا اینکر عمران ریاض کی دبئی جانے کی کوشش، امیگریشن حکام نے آف لوڈ کردیا
15 جولائی ، 2022
امیگریشن حکام نے ضمانت پر رہا اینکر عمران ریاض خان کو لاہور سے دبئی جانے کی کوشش پر آف لوڈ کر دیا۔
ایف آئی اے ذرائع کے مطابق اینکر عمران ریاض نے آج صبح لاہور ائیرپورٹ سے دبئی جانے کی کوشش کی تاہم نام بلیک لسٹ میں ہونے پر انہیں آف لوڈ کر دیا گیا اور واپس گھر بھجوا دیا۔
امیگریشن ذرائع نے بتایا کہ عمران ریاض کا نام پولیس کی جانب سے ایگزٹ کنٹرول لسٹ (ای سی ایل) میں ڈالنے کی درخواست کی گئی تھی۔
اینکر کے قریبی ذرائع کے مطابق عمران ریاض کی عدالت عالیہ سے 19 جولائی تک ضمانت منظور ہوئی تھی اور عدالت نے پولیس سے ان کے خلاف مقدمات کا تمام ریکارڈ طلب کیا ہوا ہے۔
عمران ریاض کا دعویٰ ہے کہ کچھ میڈیکل ٹیسٹ کرانے کیلئے دبئی جارہا تھا اور ٹیسٹ کروا کر واپس آجاتا۔
مزید خبریں :
شیخ رشید صدر زرداری کے قتل کی سازش کے کیس سے بری
2 گھنٹے پہلے
