یوکرین کے ساتھ معاہدے کے اگلے روز ہی روس کا یوکرینی شہر پر میزائل حملہ

اقوام متحدہ اور ترکیہ کی ثالثی میں یوکرین سے اناج برآمد کرنے کے معاہدے کے ایک دن بعد ہی روس نے یوکرینی ساحلی شہراوڈیسا پر میزائل حملہ کر دیا ہے۔

یوکرینی فوج کا کہنا ہے اوڈیسا میں روس نے میزائلوں سے انفراسٹرکچر کو نشانہ بنایا،

یوکرینی حکام کی جانب سے اوڈیسا پر روسی حملے کو روسی صدر کی جانب سے اقوام متحدہ کے سیکریٹری جنرل اور ترک صدر کی تضحیک کے مترادف قرار دیا گیا ہے۔

ترکیہ: روس اور یوکرین کے درمیان گندم ایکسپورٹ کا معاہدہ ہو گیا

دونوں ملکوں کے رہنماؤں نے اقوام متحدہ اور ترکیہ کے نمائندگان کے ساتھ معاہدے پر دستخط کیے۔

یوکرینی وزارت خارجہ کے ترجمان کا کہنا ہے یوکرینی گندم برآمد کرنے کا معاہدہ ٹوٹا توعالمی غذائی بحران کی ذمہ داری روس پر عائد ہوگی۔

روس اور یوکرین کے درمیان یوکرین کی گندم برآمد کرنے کے لیے یواین، ترکیہ کی ثالثی میں معاہدہ گزشتہ روز ہوا تھا۔