27 جولائی ، 2022 
پریانکا چوپڑا نے بذریعہ 'سروگیسی' مزید بچوں کی پیدائش کا ارادہ کرلیا
27 جولائی ، 2022
بالی وڈ اداکارہ پریانکا چوپڑا اور ان کے شوہر امریکی گلوکار نک جونس نے سروگیسی کے ذریعے مزید بچوں کی پیدائش کے بارے میں سوچ لیا۔
بھارتی میڈیا کے مطابق پریانکا اور نک دونوں زیادہ بچوں کے خواہش مند ہیں اور ان کی سوچ ہے کہ بہن بھائی زیادہ ہونے چاہئیں ، اسی لیے انہوں نے اپنی بیٹی کے بارے میں سوچتے ہوئے مزید بچوں کی پیدائش کا ارادہ کیا ہے۔
بھارتی میڈیا نے دعویٰ کیا ہے کہ اداکارہ دوسرے بچے کی خوشخبری سنائیں گی لیکن اس میں کچھ وقت درکار ہوگا۔
واضح رہے کہ اداکارہ پریانکا چوپڑا اور نک جونس کے ہاں رواں برس جنوری میں سروگیسی سے بیٹی کی پیدائش ہوئی جس کا نام انہوں نے 'مالتی میری' رکھا۔
سروگیسی کیا ہے؟
اس عمل میں والدین کا اسپرم اور ایگ حاصل کرکے لیبارٹری میں ایمبریو بنایا جاتا ہے، پھر اسے کسی دوسری خاتون (جو اس جوڑے کے بچے کو جنم دینے کے لیے تیار ہو) کے یوٹرس (بچہ دانی) میں انجیکٹ کر دیا جاتا ہے۔
پھر 9 ماہ وہ ماں اس جوڑے کے بچے کو اپنی کوکھ میں پالتی ہے، یعنی جینیاتی طور پر بچہ جوڑے کا ہی ہوتا ہے بس بچہ دانی کسی اور کی استعمال کی جاتی ہے، وہ خواتین جن کی عمر زیادہ ہو یا انہیں ہارمونل مسائل ہوں، انہیں ڈاکٹرز سروگیسی کا مشورہ دیتے ہیں۔
مزید خبریں :
معروف بھارتی اداکارہ نے مبینہ طور پر خودکشی کرلی
01 دسمبر ، 2024
ہندو سوشل میڈیا انفلوئنسر خانہ کعبہ جانے کا خواہشمند
30 نومبر ، 2024
