18 اگست ، 2022 
شاہ رخ کی رنویر کے بارے میں کی گئی کونسی پیشگوئی سچ ہو نے کے قریب ہے؟
18 اگست ، 2022
کیا آپ جانتے ہیں بالی وڈ کے سپر اسٹار شاہ رخ خان نے تقریباً 6 سال قبل رنویر سنگھ کے بارے میں ایک پیش گوئی کی تھی جو بظاہر اب سچ ہونے کے قریب ہے؟
بالی وڈ اداکار رنویر سنگھ جو عریاں فوٹو شوٹ کرانے پر ان دنوں کافی مشکل میں دکھائی دے رہے ہیں۔
بھارتی میڈیا رپورٹس کے مطابق عریاں فوٹو شوٹ کرانے پر چیمبور پولیس کی جانب سے رنویر سنگھ کو پوچھ تاچھ کے سلسلے میں 22 اگست کو پولیس کے سامنے پیش ہونے کا نوٹس جاری کیا گیا ہے۔
دوسری جانب ان دنوں سوشل میڈیا پر بھارت کے مشہور شو کافی ود کرن کا ایک پرانا کلپ وائرل ہو رہا ہے جس میں شاہ رخ خان نے پیش گوئی کی تھی کہ رنویر سنگھ کو کپڑے پہننے اور نہ پہننے دونوں میں سے کسی پر گرفتار کیا جا سکتا ہے۔
ہوا کچھ یوں تھا کہ شو کے میزبان کرن جوہر نے شو کے ایک حصے میں شاہ رخ خان سے سوال کیا تھا کہ آپ کو کیا لگتا ہے کہ رنویر سنگھ کس وجہ سے کبھی گرفتار ہوسکتے ہیں؟
جس کا جواب دیتے ہوئے انہوں نے کہا تھا کہ رنویر سنگھ کپڑے پہننے اور نہ پہننے دونوں میں سے کسی پر گرفتار ہوسکتے ہیں۔
اگرچہ شاہ رخ خان نے یہ بات مذاق میں کہی تھی لیکن سوشل میڈیا صارفین کہہ رہے ہیں کہ بالی وڈ کے کنگ خان نے موجودہ صورتحال کی پیش گوئی بہت پہلے کر دی تھی۔
خیال رہے کہ رنویر سنگھ نے گزشتہ ماہ ایک میگزین کے لیے عریاں فوٹو شوٹ کروایا جس کے بعد مختلف حلقوں کی جانب سے انہیں سخت تنقید کا نشانہ بنایا گیا تھا۔
تاہم تصاویر وائرل ہونے کے بعد ان کے خلاف ممبئی کے پولیس اسٹیشن میں ایک درخواست دائر کی گئی تھی جس میں ان کے خلاف 'خواتین کے جذبات کو ٹھیس پہنچانے' کے الزام میں ایف آئی آر کے اندراج کی درخواست کی گئی تھی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
