18 اگست ، 2022 
پاکستان
فوٹو: فائل
سندھ میں کل اور پرسوں موسلادھار بارشوں کی پیشگوئی، شہری علاقوں میں اربن فلڈنگ کا خدشہ
18 اگست ، 2022
محکمہ موسمیات نے سندھ میں کل اور پرسوں موسلادھار بارشوں کی پیشگوئی کردی۔
محکمہ موسمیات کے مطابق موسلادھاربارشوں کے باعث سندھ کے شہری علاقوں میں اربن فلڈنگ کا خدشہ ہے۔
محکمہ موسمیات کا کہنا ہے کہ 18اور 19 اگست کو برساتی اور مقامی ندی نالوں میں طغیانی کا خطرہ ہے۔
محکمہ موسمیات کے مطابق موسلادھاربارشوں سے بلوچستان کے نشیبی علاقے بھی زیر آب آنےکا خدشہ ہے۔
چیف میٹرولوجسٹ سردار سرفراز کے مطابق نواب شاہ، سکھر، لاڑکانہ، جیکب آباد اور دادو میں بھی بارش 20 اگست کی صبح تک جاری رہنے کا امکان ہے۔
محکمہ موسمیات کی پیشگوئی کے مطابق جنوبی پنجاب اور زیریں خیبرپختونخوا کے ندی نالوں میں بھی طغیانی آسکتی ہے۔
