26 اگست ، 2022 
پاکستان
کوئٹہ ائیرپورٹ پر پروازوں کی آمد اور روانگی موسم کی خرابی کی وجہ سے متاثر ہے: سی اے اے/ فائل فوٹو
کوئٹہ ائیرپورٹ پر فلائٹ آپریشن معمول کےمطابق ہے: ترجمان سی اے اے
26 اگست ، 2022
ترجمان سول ایوی ایشن کے مطابق کوئٹہ ائیرپورٹ پر فلائٹ آپریشن بحال ہے۔
ترجمان سول ایوی ایشن کی جانب سے جاری بیان میں کہا گیا ہےکہ کوئٹہ ائیر پورٹ پر سول ایوی ایشن کا مواصلاتی نیٹ ورک مکمل طور پر فعال ہے اورائیرپورٹ پر فلائٹ آپریشن بھی معمول کے مطابق ہے۔
ترجمان نے بتایا کہ کوئٹہ ائیرپورٹ پر پروازوں کی آمد اور روانگی موسم کی خرابی کی وجہ سے متاثر ہے۔
واضح رہےکہ بلوچستان میں شدید بارشوں اور سیلاب کی تباہ کاریوں کی وجہ سے کوئٹہ میں بھی مواصلاتی نظام بری طرح متاثر ہوا ہے اور گزشتہ 8 گھنٹوں سے موبائل اور انٹرنیٹ سروسز معطل ہیں۔
