04 ستمبر ، 2022 
اتنی نالائق ٹیم مینجمنٹ نہیں دیکھی: سکندر بخت برہم
04 ستمبر ، 2022
پاکستان کے سابق ٹیسٹ کرکٹر اور تجزیہ کار سکندر بخت نے ہانگ کانگ کے خلاف کوئی نیا بولر نہ کھلانے اور شاہنواز دھانی کے ان فٹ ہونے پر پاکستان ٹیم مینجمنٹ پر کڑی تنقید کی ہے۔
جیو نیوز کے پروگرام جشن کرکٹ میں گفتگو کرتے ہوئے سکندر بخت نے کہا کہ اتنی نالائق ٹیم مینجمنٹ نہیں دیکھی، ہم یہاں پروگرام میں بیٹھ کر مینجمنٹ کو گائیڈ کر رہے ہیں کہ کسی اور بولر کو کھلاؤ ،گرمی ہے کچھ بھی ہو سکتا ہے اور وہ ہوگیا۔
سکندر بخت نے کہا کہ مجھے اس بات کا غصہ ہے کہ یہ بہت منطقی سی بات تھی کیونکہ ہانگ کانگ جیسی ٹیم جسے پاکستان نے 28 پر آل آؤٹ کیا کیونکہ 10 رنز ہم نے انھیں اضافی دیے، آپ نے اس ٹیم کے خلاف بھی کسی اور بولر کو موقع نہیں دیا۔
یاد رہے کہ ہانگ کانگ کے خلاف میچ میں شاہنواز دھانی ان فٹ ہو کر بھارت کے خلاف میچ سے باہر ہو گئے ہیں۔
اس حوالے سے ترجمان پی سی بی کا کہنا ہے کہ شاہنواز دھانی کو ممکنہ طور پر سائیڈ اسٹرین انجری ہے اور اگلے 2 روز میں میڈیکل ٹیم ان کی انجری کا جائزہ لے گی جبکہ انجری کا جائزہ لینے کے بعد ان کی مزید دستیابی کا فیصلہ ہو گا۔
مزید خبریں :
جیو نیوز پوڈکاسٹ: کون ہے ہمارا پہلا مہمان؟
28 نومبر ، 2024
