05 ستمبر ، 2022 
سیلابی پانی سندھ کیجانب موڑنےکا الزام، وزیراعلیٰ بلوچستان کی جے آئی ٹی بنانےکی پیشکش
05 ستمبر ، 2022
وزیراعلیٰ بلوچستان میر عبدالقدوس بزنجو نے بلوچستان کے بند توڑ کر سیلابی پانی کا رخ سندھ کی جانب موڑنے کے الزام کی تحقیقات کے لیے جے آئی ٹی بنانے کی پیشکش کر دی۔
وزیراعلیٰ بلوچستان عبدالقدوس بزنجو نے اپنے ایک بیان میں کہا کہ اگر سیلابی پانی کا رخ سندھ کی جانب موڑنے کا الزام صحیح ثابت ہوا تو ذمہ داران کے خلاف سخت کارروائی کی جائے گی۔
دوسری جانب بلوچستان میں بارشوں اورسیلاب کے باعث بند کیے گئے اسکول اورکالج آج سے کھُل گئے ہیں۔
اس حوالے سے وزیرتعلیم بلوچستان کاکہنا ہے نصیرآباد اور جعفرآبادکے اسکول کھولنے کا فیصلہ بعد میں کیا جائےگا۔
یاد رہے کہ پاکستان کے صوبہ بلوچستان میں بھی سیلاب سے بڑے پیمانے پر تباہی ہوئی ہے جس کے باعث بلوچستان کا گیس اور بجلی سمیت مواصلاتی نظام بھی بیٹھ گیا ہے، متعدد ڈیم ٹوٹ گئے اور بڑے شہروں کو بچانے کے لیے چھوٹے گاؤں اور ضلعوں کی جانب پانی کا اخراج کیا جا رہا ہے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
2 گھنٹے پہلے
کیا پیراتھائرائیڈکا علاج پاکستان میں ممکن ہے؟
5 گھنٹے پہلے
