11 ستمبر ، 2022 
انسٹاگرام میں ری پوسٹ نامی نئے فیچر کی آزمائش
11 ستمبر ، 2022
انسٹاگرام کی جانب سے ایک نئے فیچر ری پوسٹ کی آزمائش کی جارہی ہے۔
میٹا کی زیرملکیت ایپ نے اس فیچر کی آزمائش کی تصدیق کی ہے جس کی مدد سے صارفین دیگر افراد کے مواد کو اپنی فیڈ پر شیئر کرسکیں گے۔
یہ ٹوئٹر کے ری ٹوئٹ فیچر سے ملتا جلتا فیچر ہے یا فیس بک کے ری شیئر فیچر سے بھی مماثلت رکھتا ہے۔
انسٹاگرام میں اسٹوریز میں تو دیگر افراد کی پوسٹس شیئر کرنا ممکن ہے مگر کسی پوسٹ کو آپ ابھی فیڈ پر ری شیئر نہیں کرسکتے۔
میٹا کے ایک ترجمان کے مطابق محدود صارفین کو یہ نیا فیچر دستیاب ہے۔
ترجمان کے مطابق ہم فیڈ پر پوسٹس ری شیئر کرنے کے فیچر کی آزمائش کررہے ہیں تاکہ صارفین اپنی پسند کا مواد شیئر کرسکیں اور کریڈٹ بھی اصل اکاؤنٹ کے پاس رہے۔
اس فیچر پر کچھ ماہ سے کام کیا جارہا تھا اور مئی میں بھی اس کے حوالے سے رپورٹس سامنے آئی تھیں مگر اس وقت کمپنی نے اس کی تصدیق نہیں کی تھی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
