23 اگست ، 2022 
انسٹاگرام ایک اور ایپ کے فیچر کی 'نقل' کرنے کے لیے تیار
23 اگست ، 2022
انسٹاگرام کی جانب سے دیگر سوشل میڈیا ایپس کے فیچرز کو اکثر نقل کرلیا جاتا ہے۔
میٹا کی زیر ملکیت یہ فوٹو شیئرنگ ایپ ایک بار پھر ایسا کررہی ہے اور اس کی جانب سے ایک فیچر کی آزمائش کی جارہی ہے جو خودکار سیلفی لینے میں مدد فراہم کرتا ہے۔
یہ فیچر ایک اور ایپ ' بی رئیل ' سے ملتا جلتا ہے۔
ایک رپورٹ کے مطابق انسٹاگرام کی جانب سے ایک نئے فیچر آئی جی Candid Challenges کی آزمائش کی جارہی ہے جو بی رئیل کے آئی جی Candid سے ملتا جلتا ہے۔
اس فیچر میں صارفین کو دن میں کسی وقت ایک نوٹیفکیشن بھیجا جاتا ہے تاکہ وہ فرنٹ اور بیک کیمروں سے تصویر کھینچ سکیں۔
یہ تصویر پھر انسٹاگرام اسٹوری میں شیئر کی جاتی ہے۔
میٹا کے ایک ترجمان نے فیچر کی آزمائش کی تصدیق کرتے ہوئے بتایا کہ انسٹاگرام کی جانب سے اندرونی طور پر فیچر کو ٹیسٹ کیا جارہا ہے۔
اس ٹیسٹ سے عندیہ ملتا ہے کہ اس فیچر کو بتدریج صارفین کے لیے متعارف کرایا جائے گا۔
فیس بک اور انسٹاگرام دونوں حریف ایپس کے فیچرز کو چراتے رہتے ہیں مگر صارفین اس طرح کی تبدیلیوں سے ہمیشہ خوش نہیں ہوتے۔
جولائی میں صارفین کی تنقید کے بعد انسٹاگرام نے فل اسکرین فیڈ کی تیاری روک دی تھی جو اسے ٹک ٹاک جیسا بنا دیتی۔
اسی طرح ٹک ٹاک سے مقابلے کے لیے انسٹاگرام کی جانب سے ریلز پر زیادہ توجہ مرکوز کی جارہی ہے۔
بی رئیل نامی ایپ کو 2020 میں متعارف کرایا گیا تھا اور وہ ایپل کے ایپ اسٹور میں دیگر ایپس کے مقابلے میں زیادہ ڈاؤن لوڈ کی جارہی ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
