14 ستمبر ، 2022 
ریشم نے پیرس سے آیا رشتہ ٹھکرانے کی وجہ بتادی
14 ستمبر ، 2022
پاکستان کی سینئر اداکاہ ریشم نے اب تک شادی نہ کرنے کی وجہ بتائی ہے۔
کچھ روز قبل ریشم اداکار و ہدایتکار وسیم عباس کے ہمراہ جیو نیوز کے پروگرام 'ہنسنا منع ہے' کی مہمان بنیں۔
دوران شو میزبان تابش ہاشمی نے سوال کیا کہ ایک وقت تھا جب آپ پیرس شفٹ ہو سکتی تھیں لیکن آپ نہیں ہوئیں اور لاہور کو اس پر ترجیح دی، جواب میں ریشم نے کہا 'ایسا کچھ نہیں ہے'۔
بات جاری رکھتے ہوئے اداکارہ نے انکشاف کیا 'پیرس سے میرے لیے شادی کا پروپوزل آیا تھا جسے میں نے ٹھکرا دیا، میری شادی اسی وجہ سے نہیں ہوئی'۔
رشتے سے انکار کی وجہ بتاتے ہوئے ریشم نے کہا 'میں چھوٹے دل کے شخص کے ساتھ نہیں رہ سکتی نہ ہی مجھے ایسے لوگ پسند ہیں، وہ شخص بہت کنجوس تھا، ہمارے اسلام میں بھی کنجوسی کو برا کہا گیا ہے'۔
انہوں نے کہا 'جب ساری زندگی اللہ نے آپ کے ہاتھ سے دلوایا ہو تو پھر مانگنا بہت مشکل ہوتا ہے، اللہ یہ نہ کروائے، اسی لیے میں نے رشتے سے انکار کردیا'۔
اس کے علاوہ اداکارہ نے یہ بھی انکشاف کیا کہ پاسپورٹ پر ان کی عمر آج تک 6 سے 7 برس زیادہ لکھی گئی ہے کیونکہ جب پہلی دفعہ عمرے پر بیرون ملک گئی تھی تو اس وقت پاسپورٹ پر عمر زیادہ لکھوانا پڑی۔
مزید خبریں :
لاہور: اداکارہ نرگس نے شوہر کے خلاف مقدمہ درج کروا دیا
02 نومبر ، 2024
دپیکا نے بیٹی کا نام اور تصویر سوشل میڈیا پر شیئر کردی
01 نومبر ، 2024
نرگس پر شوہر کا مبینہ تشدد، اداکارہ تھانے پہنچ گئیں
01 نومبر ، 2024
ارجن سے بریک اپ کے بعد ملائیکہ کی ذومعنی پوسٹ
31 اکتوبر ، 2024
سلمان خان کو قتل کی دھمکی دیکر 2 کروڑ تاوان مانگنے والا ملزم گرفتار
31 اکتوبر ، 2024
