14 ستمبر ، 2022 
فیس بک میں 'کمیونٹی چیٹس' کا فیچر متعارف
14 ستمبر ، 2022
میٹا نے فیس بک کے لگ بھگ 3 ارب صارفین کے لیے ایک دوسرے سے رابطے کا ایک نیا ذریعہ متعارف کرایا ہے۔
کمپنی کے مطابق آنے والے ہفتوں میں کمیونٹی چیٹس کے نام سے ایک فیچر صارفین کو دستیاب ہوگا۔
اس فیچر سے فیس بک اور میسنجر گروپس اپنے پسندیدہ موضوعات پر بات چیت کرسکیں گے۔
معمول کی ٹیکسٹ چیٹ سے ہٹ کر کمیونٹی چیٹس میں آڈیو اور ویڈیو چینلز سپورٹ موجود ہوگی جبکہ ایڈمن اپنے میسجز گروپس میں براڈ کاسٹ کرسکیں گے جبکہ بات چیت کو تہذیب کے دائرے میں رکھنے کے لیے بھی وہ کچھ ٹولز کا استعمال کرسکیں گے۔
ایڈمن اسسٹ نامی فیچر سے وہ ایسے الفاظ اور جملوں کی فہرست تیار کرسکیں گے جو کمیونٹی چیٹ میں خودکار طور پر فلیگ ہوجائیں گے۔
ایڈمن کمیونٹی رولز پر عمل نہ کرنے والوں کو بلاک، میوٹ یا معطل بھی کرسکیں گے۔
کمیونٹی چیٹ کا یہ نیا فیچر ایک اور چیٹ ایپ ڈس کورڈ سے ملتا جلتا ہے۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
