18 ستمبر ، 2022 
پاکستان
اے ایس ایف ترجمان کے مطابق مسافر شبیر احمد نے ہیروئن بیگ کی تہہ میں مہارت سے چھپا رکھی تھی۔ فوٹو جیو نیوز
پاکستان سے ہیروئن بیرون ملک اسمگل کرنے کی کوشش ناکام، ملزم گرفتار
18 ستمبر ، 2022
ائیرپورٹس سکیورٹی فورس (اے ایس ایف) نے پاکستان سے ہیروئن بیرون ملک اسمگل کرنے کی کوشش ناکام بنا دی۔
ائیرپورٹس سکیورٹی فورس (اے ایس ایف) کے عملے نے ملتان ائیرپورٹ پر کارروائی کرتے ہوئے دوحا جانے کے لیے پہنچے مسافر کے قبضے سے ہیروئن برآمد کرلی۔
اے ایس ایف ترجمان کے مطابق مسافر شبیر احمد نے ہیروئن بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات کی نشاندہی کی اور تلاشی کے دوران بیگ کی تہہ سے 1.881 کلو گرام ہیروئن برآمد کرکے ملزم کو گرفتار کر لیا۔
ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
