جنرل منیجر آئی سی سی پاکستان اور انگلینڈ کے درمیان دوسرا ٹی 20 اسٹیڈیم میں دیکھیں گے

انٹرنیشنل کرکٹ کونسل (آئی سی سی) کے جنرل منیجر  وسیم خان کل پاکستان اور  انگلینڈ کے درمیان ہونے والا دوسرا ٹی ٹوئنٹی دیکھنے کراچی پہنچیں گے۔

ذرائع کے مطابق پاکستان کرکٹ بورڈ کے سابق سی ای او وسیم خان کراچی میں قیام کے دوران پی سی بی کے عہدیداران سے بھی ملاقات کریں گے۔

پاکستان اور انگلینڈ کا آج ہونیوالا پریکٹس سیشن منسوخ

پاکستان اور انگلینڈ کے درمیان دوسرا ٹی ٹوئنٹی کل بروز جمعرات نیشنل اسٹیڈیم میں کھیلا جائے گا

وسیم خان پاکستان کرکٹ بورڈ کے چیف ایگزیکٹو بھی رہ چکے ہیں جنہوں نے گزشتہ برس رمیز راجا کے چیئرمین بننے کے بعد عہدے سے استعفیٰ دے دیا تھا۔

خیال رہے کہ وسیم خان کی رواں برس انٹرنیشنل کرکٹ کونسل میں تقرری ہوئی ہے۔