23 ستمبر ، 2022 
آئی فون 14 کا نیا فیچر اپنے اینڈرائیڈ فون میں استعمال کرنے کا طریقہ جان لیں
23 ستمبر ، 2022
ایپل نے آئی فون 14 پرو اور 14 پرو میکس میں سیلفی کیمرے کے لیے ڈائنامک آئی لینڈ کے نام سے نیا ڈیزائن متعارف کرایا۔
ابھی اینڈرائیڈ فونز تیار کرنے والی کمپنیوں نے تو اپنی کسی ڈیوائس میں اس ڈیزائن کو متعارف نہیں کرایا مگر پھر بھی آپ اسے استعمال کرسکتے ہیں۔
جی ہاں ایک ایپ سے آپ اس نئے آئی فون فیچر کو اپنے اینڈرائیڈ فون میں استعمال کرسکتے ہیں۔
ڈائنامک اسپاٹ نامی ایپ سے اینڈرائیڈ فونز میں آئی فون 14 پرو ماڈلز کے اس فیچر کو استعمال کیا جاسکتا ہے۔
اس ایپ کے ڈویلپر Jawomo نے بتایا کہ ڈائنامک اسپاٹ سے اینڈرائیڈ فون پر ڈائنامک آئی لینڈ ملٹی ٹاسکنگ فیچر کو استعمال کیا جاسکتا ہے جس سے صارفین کے لیے حالیہ نوٹیفکیشنز تک رسائی آسان ہوجاتی ہے۔
ڈویلپرز نے بتایا کہ بس ایک چھوٹے بلیک پوپ اپ پر کلک کرکے ایپ اوپن کریں اور اپنی مرضی کے مطابق اس ڈیزائن کو استعمال کریں۔
یہ ایپ لگ بھگ لگ بھگ تمام اینڈرائیڈ ایپس بشمول میسجنگ، میوزک اور ٹائمر ایپس کے ساتھ مل کر کام کرسکتی ہے۔
صارفین سیٹنگز میں جاکر ایپ کو اپنی مرضی کے مطابق بدل سکتے ہیں یا ڈائنامک اسپاٹ کو ہائیڈ کرسکتے ہیں۔
اس ایپ کو گوگل پلے اسٹور سے مفت ڈاؤن لوڈ کیا جاسکتا ہے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
