25 ستمبر ، 2022 
انسٹاگرام میں اب ایک منٹ طویل ویڈیو کلپ اسٹوری میں شیئر کرنا ممکن
25 ستمبر ، 2022
انسٹاگرام کی جانب سے صارفین کے لیے زیادہ طویل اسٹوری ویڈیو کلپ اپ لوڈ کرنے کا فیچر متعارف کرایا جارہا ہے۔
میٹا کی زیرملکیت فوٹو شیئرنگ ایپ نے تصدیق کی ہے کہ 15 سیکنڈ کی بجائے صارفین اب 60 سیکنڈ طویل اسٹوری کلپ پوسٹ کرسکیں گے۔
کمپنی نے اس فیچر کی آزمائش 2021 کے آخر میں شروع کی تھی اور اب اسے دنیا بھر کے صارفین کے لیے متعارف کرایا جارہا ہے۔
میٹا کے ایک ترجمان نے بتایا کہ ہم ہمیشہ اسٹوریز کے تجربے کو بہتر بنانے کے لیے مختلف ذرائع پر کام کرتے رہتے ہیں، اب صارفین 60 سیکنڈ طویل اسٹوریز کو پوسٹ کرسکیں گے۔
یہ تبدیلی یقیناً صارفین کو پسند آئے گی کیونکہ ابھی کسی طویل کلپ کرنا ممکن نہیں بلکہ وہ ویڈیو مختلف سلائیڈز میں تقسیم ہوجاتی ہے۔
اس تبدیلی کے بعد اسٹوریز اور ریلز لگ بھگ ایک جیسے ہوگئے ہیں کیونکہ دونوں میں اب 60 سیکنڈ کی ویڈیو کو پوسٹ کیا جاسکتا ہے۔
خیال رہے کہ انسٹاگرام میں ویڈیوز کو بہت زیادہ ترجیح دی جارہی ہے۔
کچھ عرصے قبل کمپنی نے اعلان کیا تھا کہ 15 منٹ سے کم دورانیے کی ویڈیو ریلز کے طور پر شیئر ہوگی۔
انسٹاگرام کے سربراہ ایڈم موسری نے 2022 کے لیے ایپ کی ترجیحات کا اعلان کرتے ہوئے کہا تھا کہ ویڈیوز پر ہی سب سے زیادہ توجہ مرکوز کی جائے گی۔
انہوں نے یہ اشارہ بھی دیا تھا کہ انسٹاگرام میں ویڈیو پراڈکٹس کو ریلز کے ارگرد اکٹھا کیا جائے گا اور مختصر ویڈیوز کو ترجیح دی جائے گی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
