27 ستمبر ، 2022 
زمین کو سیارچوں سے محفوظ رکھنے کا مشن، ناسا کا تجرباتی اسپیس کرافٹ سیارچے سے ٹکرا گیا
27 ستمبر ، 2022
امریکی خلائی ادارے ناسا کا زمین کو سیارچوں کی ٹکر سے محفوظ رکھنے کے تاریخی مشن کیلئے زمین سے بھیجا گیا تجرباتی ڈارٹ اسپیس کرافٹ سیارچے ڈیمورفس سے ٹکرا گیا ۔
ناسا کے مطابق ڈارٹ اسپیس کرافٹ 23 ہزار 500 کلو میٹر فی گھنٹہ کی رفتار سے سیارچے سے ٹکرایا،اس کامیابی پر نا سا کے انجئینرز اور ماہرین خوشی سے جھوم اٹھے۔
اس مشن کا مقصد زمین کو کسی خطرناک خلائی چٹان کے ٹکراؤ سے محفوظ رکھنے کی جانچ پڑتال کرنا ہے۔
تجربے کے نتائج چند دن یا ہفتوں میں سامنے آنے کا امکان ہے ۔ اگر مشن کامیاب ہوا یعنی سیارچے کے مدار کا راستہ بدل گیا تو یہ طریقہ زمین کی جانب بڑھنے والے سیارچوں کی روک تھام کے لیے اہم دفاعی ہتھیار ثابت ہوسکے گا۔
سائنسدان پہلے ہی ایسے بیشتر سیارچوں کو شناخت کرچکے ہیں جو زمین کو تباہ کرسکتے ہیں، مگر فی الحال ان میں سے کوئی بھی ہمارے سیارے کے لیے خطرہ نہیں۔
مگر سائنسدانوں کو ڈر ہے کہ ہزاروں چھوٹے سیارچوں میں کوئی ایک کسی دن زمین کی جانب بڑھ سکتا ہے اور اس کا ٹکراؤ تباہ کن ثابت ہوسکتا ہے۔
ڈارٹ اسپیس کرافٹ کو امریکا کی جونز ہوپکنز یونیورسٹی نے تیار کیا اور اسے ڈیمورفس کی جانب نومبر 2021 میں روانہ کیا گیا۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
