روبوٹ نے 25 سیکنڈز کے اندر 100 میٹر کا فاصلہ طے کر کے ورلڈ ریکارڈ بنا دیا

امریکی یونیورسٹی کی جانب سے تیار کردہ روبوٹ نے100 میٹر کا فاصلہ کم ترین وقت میں مکمل کر کے گنیز ورلڈ ریکارڈ بنا دیا۔

امریکا کی اوریگون اسٹیٹ یونیورسٹی کی جانب سے بنائے گئے بائی پیڈل روبوٹ نے 24.73 سیکنڈز میں 100 میٹر کا فاصلہ مکمل کرکے گنیز ورلڈ ریکارڈز کی کتاب میں اپنا نام درج کروالیا۔

اس 2 ٹانگوں والے روبوٹ کا نام 'کیسی(Cassie)‘ ہے، جس نے گزشتہ دنوں یونیورسٹی کے وائٹ ٹریک اینڈ فیلڈ سینٹر پر 24.73 سیکنڈز میں 100 میٹر کا فاصلہ بھاگ کر طے کیا۔

شطرنج کھیلنے والے روبوٹ نے بچے کی انگلی توڑ دی

روبوٹ نے ایک مقابلے کے دوران 7 سالہ بچے کی جانب سے تیزی سے چال چلنے پر اس کا ہاتھ پکڑ کر اس کی انگلی توڑ دی۔

یونیورسٹی کی جانب سے جاری کردہ پریس ریلیز میں بتایا گیا کہ روبوٹ کی نہ کوئی آنکھیں ہیں  اور نہ ہی اس میں کوئی کیمرا یا سینسر موجود ہے۔

اس سے قبل 2021 میں اس روبوٹ  نے صرف 53 منٹ میں پانچ کلومیٹر کا فاصلہ بھی طے کیا تھا۔ یہ روبوٹ مشین لرننگ ٹیکنالوجی کی مدد سے تیار کیا گیا ہے۔

ورلڈ ریکارڈ بنانے کے لیے اس روبوٹ کو  بغیر رکے اور گرے  100 میٹر فاصلے کو طے کرنا تھا جو اس نے کامیابی سے مکمل کیا۔