12 اکتوبر ، 2022 
کیا ورلڈکپ سے قبل رضوان اور بابر کی اوپننگ جوڑی بدل جائیگی؟ کوچ نے واضح کردیا
12 اکتوبر ، 2022
قومی ٹیم کے بیٹنگ کوچ محمد یوسف کا ٹی ٹوئنٹی ورلڈ کپ سے قبل قومی ٹیم کی اوپننگ جوڑی کپتان بابر اعظم اور وکٹ کیپر بیٹر محمد رضوان کو تبدیل کرنے کے حوالے سے بیان سامنے آگیا۔
سہ فریقی ٹی ٹوئنٹی سیریز میں پاکستان اور نیوزی لینڈ کے چوتھے میچ کے بعد میڈیا سے گفتگو کرتے ہوئے بیٹنگ کوچ محمد یوسف نے کہا 'پچھلے دو سالوں سے یہ جوڑی ٹاپ پر کھیل رہی ہے، اس کے بارے میں کوئی بات نہیں ہوئی ہے اور اب ورلڈ کپ سے کچھ دن پہلے ایسی تبدیلی نہیں ہونی چاہیے'۔
انہوں نے کہا 'ایسا کرنا خطرے سے خالی نہیں ہوگا، رضوان سہ فریقی سیریز کے پہلے میچ میں پلیئر آف دی میچ رہے، اس کے بعد بابر نے بھی ایوارڈ جیتا'۔
محمد یوسف کا کہنا تھا کہ 'انتظامیہ کا خیال ہے کہ جس طرح سے دونوں کھیل رہے ہیں، اس میں تبدیلیاں نہیں کی جانی چاہئیں، خاص طور پر ورلڈ کپ سے پہلے'۔
واضح رہے کہ رضوان اور بابر نے ایک ساتھ بیٹنگ کرتے ہوئے 2000 سے زیادہ رنز بنائے ہیں۔
تاہم مڈل آرڈر کی مسلسل ناکامی کے بعد کہا جارہا تھا کہ مڈل آرڈر بیٹرز کو اوپننگ کرائی جائے اور بابر اور رضوان کو تیسرے یا چوتھے نمبر پر کھلایا جائے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
3 گھنٹے پہلے
بابر اعظم نے ایک اور اعزاز اپنے نام کرلیا
12 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
