24 اکتوبر ، 2022 
پاک بھارت میچ میں ثانیہ اور اہلخانہ کے کیا جذبات تھے؟ ٹینس اسٹار نے ویڈیو شیئر کردی
24 اکتوبر ، 2022
شعیب ملک کی اہلیہ ثانیہ مرزا نے پاک بھارت میچ کے درمیان مسلسل بدلتے جذبات کی ویڈیو شیئر کی ہے۔
گزشتہ روز میلبرن کرکٹ گراؤنڈ میں پاکستان اور بھارت کے درمیان آئی سی سی ٹی ٹوئنٹی ورلڈ کپ کا میچ کھیلا گیا جس میں بھارت نے پاکستان کو 4 وکٹوں سے شکست دی۔
میچ کی دلچسپی کا اندازہ اس بات سے لگایا جاسکتا ہے کہ بھارت نے 160 رنز کا ہدف آخری گیند پر حاصل کیا۔
اسی حوالے سے ثانیہ مرزا نے انسٹاگرام پر ایک پوسٹ شیئر کی جس میں ان کے ہمراہ ان کی والدہ اور بہن موجود تھیں، ثانیہ اور ان کے اہلخانہ کے جذبات میچ کے دوران دیکھے جاسکتے ہیں۔
ثانیہ نے کیپشن میں لکھا کہ پاکستان اور بھارت کے درمیان ہونے والے میچ کے مختلف مراحل میں ہمارے جذبات ایسے تھے جس میں کبھی ہم خوش تو کبھی افسردہ تھے۔
ویڈیو کے آخر میں بھارت کی جیت پر ثانیہ اور ان کے اہلخانہ کو خوشی مناتے دیکھا جاسکتا ہے۔
