24 اکتوبر ، 2022 
24 اکتوبر ، 2022
بھارتی آل راؤنڈر ہاردک پانڈیا نے پاکستان کے خلاف اپنی جیت اور اننگز کو اپنے آنجہانی والد کے نام کردیا۔
ٹی ٹوئنٹی ورلڈکپ میں پاکستان کے خلاف جیت کے بعد بھارتی صحافی اور سابق کرکٹر عرفان پٹھان سے گفتگو میں ہاردک نے اپنے مشکل دنوں کو یاد کیا اور والد کا تذکرہ کرتے ہوئے آنسوؤں سے رو پڑے۔
ہاردک پانڈیا نے کہا 'میرے والد نے میرے لیے بہت قربانیاں دیں، وہ نا چاہتے تو میں یہاں نہیں ہوتا، یہ اننگز ان کے نام ہے، یقین ہے وہ مجھے اوپر سے دیکھ رہے ہوں گے'۔
بھارتی کرکٹر کا کہنا تھا کہ 'انہوں نے اپنے بچوں کے لیے شہر تبدیل کیا، بزنس منتقل کیا، میں ان کی جگہ ہوتا تو کبھی ایسا نا کرتا، بے شک میں اپنے بچے سے بہت محبت کرتا ہوں'۔
خیال رہے کہ پاک بھارت میچ میں بھارت نے پاکستان کو 4 وکٹوں سے شکست دی، میچ میں ویرات کوہلی نے 82 رنز کی ناقابلِ شکست اننگز کھیلی جب کہ ہاردک 40 رنز بناکر آؤٹ ہوئے۔
