25 اکتوبر ، 2022 
پاک بھارت کے سنسنی خیز میچ کے بعد ورلڈکپ وہیں روک دینا چاہیے تھا: مچل مارش
25 اکتوبر ، 2022
آسٹریلوی آل راؤنڈر مچل مارش نے پاکستان اور بھارت کے درمیان ہونے والے مقابلے کو ٹی ٹوئنٹی ورلڈکپ کا سب سے بہترین میچ قرار دیا۔
سری لنکا سے ہونے والے میچ سے قبل پریس کانفرنس میں مچل مارش نے پاک بھارت میچ پر بات کی، انہوں نے کہا کہ کرکٹ کا مقابلہ اس سے زیادہ بہتر نہیں ہو سکتا جو میلبرن میں دنیا نے دیکھا۔
مچل مارش نے کہاکہ پاکستان اور بھارت کے میچ کے بعد ٹی ٹوئنٹی ورلڈکپ کو وہیں روک دینا چاہیے۔
آسٹریلوی آل راؤنڈر نے پاک بھارت میچ کی تعریف کرتے ہوئے کہا کہ میچ ہمیشہ دیکھنے کے لیے ناقابل یقین ہوتا ہے، اس کا حصہ بننا میرے لیے باعث مسرت ہوگا، میں سوچ بھی نہیں سکتا کہ پاک بھارت میچ کے اس ہجوم میں رہنا اور اس کا حصہ بننا کیسا ہوتا ہے۔
واضح رہے کہ بھارت نے پاکستان کو ٹی ٹوئنٹی ورلڈکپ کے سپر 12 مرحلے میں سنسنی خیز مقابلے کے بعد 4 وکٹوں سے شکست دی تھی۔
