بنگلادیشی وکٹ کیپر کی ہوشیاری بھاری پڑ گئی، جنوبی افریقا کو اضافی 5 رنز کا تحفہ

ٹی ٹوئنٹی ورلڈکپ کے سپر 12 مرحلے میں بنگلادیش اور جنوبی افریقا کے میچ میں وکٹ کیپر نور الحسن کی غلطی سے حریف ٹیم کو اضافی 5 رنز مل گئے۔

جنوبی افریقا اور بنگلادیش کے درمیان میچ سڈنی میں ہوا جہاں جنوبی افریقا نے پہلے بلے بازی کرتے ہوئے بنگلادش کو 206 رنز کا ہدف دیا جس میں روسو نے جارحانہ بلے بازی کرتے ہوئے 109 رنز بنائے۔

جنوبی افریقا کی بیٹنگ کے دوران بنگلادیش کے وکٹ کیپر نے کچھ ہوشیاری کی کوشش کی جسے امپائرز نے غلطی قرار دیا اور بنگلادیش پر پینلٹی ڈال کر حریف ٹیم کو 5 اضافی رنز دے دیے۔

شکیب الحسن نے 11 ویں اوور میں جب گیند کرانا شروع کی تو کیپر نور الحسن بال پھینکے جانے سے پہلے ہی وکٹوں سے دور ہٹ کر اپنے بائیں جانب آگئے جس کی کھیل کے قوانین میں اجازت نہیں ہے۔

پھر جب شکیب الحسن نے گیند کرانا شروع کی تو کیپر دوبارہ وکٹوں کے پیچھے آگئے جس پر فیلڈ امپائر روڈ ٹکر اور لینگٹن نے کافی مشاورت کے بعد اسے وکٹ کیپرکی غلطی قرار دیا اور بنگلادیش پر پینلٹی لگاتے ہوئے جنوبی افریقا کو اضافی پانچ رنز دیے۔

بھارتی ٹیم نے سڈنی کے بلیک ٹاؤن اسٹیڈیم میں پریکٹس سے انکار کردیا

بھارت ٹیم کو سڈنی کے بلیک ٹاؤن انٹرنیشنل اسپورٹس پارک میں پریکٹس کی پیشکش کی گئی تھی لیکن ٹیم مینجمنٹ نے اسے مسترد کردیا۔

ڈی کوک اور روسو نے ٹی ٹوئنٹی ورلڈکپ کی دوسری بڑی شراکت بنا دی

جنوبی افریقی پیئر نے بنگلا دیش کے خلاف دوسری وکٹ کی شراکت میں 163 رنز کی شراکت بنائی