02 نومبر ، 2022 
ویرات کوہلی نے ٹی ٹوئنٹی ورلڈ کپ کی تاریخ کا اہم سنگ میل عبور کرلیا
02 نومبر ، 2022
عصر حاضر میں دنیائے کرکٹ کے بہترین کھلاڑیوں میں سے ایک ویرات کوہلی نے ٹی ٹوئنٹی ورلڈ کپ کی تاریخ کا ایک اہم سنگ میل عبور کرلیا۔
ایڈیلیڈ میں آج ورلڈ ٹی ٹوئنٹی کے اہم میچ میں بنگلادیش کیخلاف ویرات کوہلی نے 64 رنز کی ناقابل شکست اننگز کھیلی اور اس طرح وہ مینز ورلڈ ٹی ٹوئنٹی کی تاریخ میں سب سے زیادہ رنز بنانے والے بیٹر بن گئے۔
ویرات کوہلی نے سری لنکن بیٹر مہیلا جے وردھنے کو پیچھے چھوڑا۔ ورلڈ کپ میں ویرات کوہلی 23 اننگز میں 85 کی اوسط اور 131 کے اسٹرائیک ریٹ کے ساتھ 1016 رنز بناچکے ہیں۔
رواں برس کے آغاز میں ویرات کوہلی آؤٹ آف فارم ہوگئے تھے اور ان کی بھارتی ٹیم میں شمولیت پر بھی سوالات اٹھنے لگے تھے تاہم ایشیا کپ میں کوہلی نے ایک بار پھر مومینٹم پکڑا اور اب ورلڈ کپ میں وہ بھرپور فارم میں دکھائی دے رہے ہیں۔
رواں ورلڈ کپ میں ویرات کوہلی 220 رنز کے ساتھ ٹاپ اسکورر ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
