03 نومبر ، 2022 
فلو اور کووڈ کی مشترکہ ویکسین کے ٹرائل کا آغاز
03 نومبر ، 2022
کئی کمپنیوں کی جانب سے فلو اور کووڈ 19 کی روک تھام کے لیے مشترکہ ویکسینز کی تیاری پر کام کیا جارہا ہے۔
مگر فائزر اور بائیو این ٹیک فلو اور کووڈ 19 سے تحفظ فراہم کرنے والی مشترکہ ویکسین کا ٹرائل شروع کرنے والی اولین کمپنیاں بن گئی ہیں۔
اس ٹرائل میں فلو ویکسین کو کووڈ کی قسم اومیکرون کو ہدف بنانے والی ویکسین سے ملا کر استعمال کیا جائے گا۔
اس مشترکہ ویکسین کے کلینیکل ٹرائل کے پہلے مرحلے میں 18 سے 64 سال کی عمر کے 180 افراد کو شامل کیا جائے گا۔
ٹرائل میں یہ دیکھا جائے گا کہ یہ ویکسین انسانوں کے لیے کس حد تک محفوظ ہے جبکہ اس کے استعمال سے فلو اور کووڈ کے حوالے سے مدافعتی ردعمل کس حد تک مضبوط ہوتا ہے۔
کمپنیوں کے مطابق یہ ٹرائل رواں ہفتے شروع ہوجائے گا جبکہ مشترکہ ویکسین بھی ایم آر این اے ٹیکنالوجی کی مدد سے تیار کی جائے گی۔
کمپنیوں کو توقع ہے کہ اس سے لوگوں کو 2 ایسی بیماریوں سے تحفظ مل سکے گا جن کے وائرس مسلسل بدلتے رہتے ہیں۔
اس سے قبل موڈرنا کی جانب سے بھی اس طرح کی ویکسین کی تیاری کا اعلان کیا گیا تھا۔
اگست میں موڈرنا کے سی ای او اسٹیفن بانسیل نے ایک انٹرویو میں بتایا کہ 3 سے 5 سال کے اندر ایک مشترکہ ویکسین دستیاب ہوگی جسے ہر سال ایک بار استعمال کرنا ہوگا۔
موڈرنا کی ویکسین فلو اور کووڈ کے ساتھ ساتھ آر ایس وی کی روک تھام کے لیے کام کرے گی۔
خیال رہے کہ ہر سال دنیا بھر میں 3 سے 6 لاکھ افراد فلو کے نتیجے میں ہلاک ہوتے ہیں جبکہ 30 سے 50 لاکھ مریضوں کو شدید بیماری کا سامنا ہوتا ہے۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
