07 نومبر ، 2022 
کینیڈا میں’’ آزاد خالصتان‘‘ کیلئے ریفرنڈم کے دوسرے مرحلے کا آغاز
07 نومبر ، 2022
کینیڈا کے شہر مِسّی ساگا اور ٹورنٹو سمیت کئی شہروں میں آزاد خالصتان کیلئے ہونے والے ریفرنڈم کے دوسرے مرحلے کا آغاز ہو گیا۔
سکھ فارجسٹس کے زیراہتمام ’’ خالصتان ‘‘کے قیام کیلئے ریفرنڈم میں کینیڈا کے مختلف شہروں سے تقریبا 2 لاکھ سکھ اپنا حق رائے دہی استعمال کریں گے۔
خالصتان کے قیام کیلئے ہونے والے ریفرنڈم میں پولنگ اسٹیشن کے باہر ووٹروں نے ہاتھوں میں خالصتان کی آزادی کے پوسٹر اٹھائے ہوئے تھے جن پر بھارتی حکومت اور بھارتی افواج کے خلاف نعرے درج تھے۔
ووٹنگ کیلئے مرد اور خواتین کی ایک بڑی تعداد میں حصہ لے رہی ہے، ووٹنگ میں حصہ لینے والوں کا مطالبہ ہے کہ بھارت خالصتان کو آزاد کرے اور اقوام عالم بھارت میں سکھوں پر ہونے والے مظالم کا نوٹس لیں۔
سکھ برادری کی جانب سے خالصتان کیلئے اس سے قبل 18 ستمبر کو ہونے والے پہلے ریفرنڈم میں ایک لاکھ سے زائد افراد نے شرکت کی تھی۔
مزید خبریں :
دمشق ائیرپورٹ کا فضائی آپریشن بحال ہوگیا
2 گھنٹے پہلے
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
