13 نومبر ، 2022 
انگلش کرکٹ ٹیم بیک وقت 2 ورلڈکپ ٹائٹل اپنے پاس رکھنے والی پہلی ٹیم بن گئی
13 نومبر ، 2022
آئی سی سی ٹی ٹوئنٹی ورلڈکپ کے فائنل میں انگلینڈ نے پاکستان کو 5 وکٹوں سے شکست دے کر ٹی ٹوئنٹی کرکٹ کا تاج اپنے سر سجا لیا۔
ٹی ٹوئنٹی ورلڈکپ کا فائنل میلبرن کرکٹ گراؤنڈ میں کھیلا گیا جہاں انگلینڈ کے کپتان جوز بٹلر نے ٹاس جیت کر پاکستان کو پہلے بیٹنگ کی دعوت دی۔
پاکستان نے پہلےکھیلتے ہوئے 20 اوورز میں 8 وکٹ پر137 رنزبنائے جواب میں انگلینڈ نے 138 رنز کا ہدف 19 اوورز میں 5 وکٹ پر پورا کردیا۔
اس جیت کے ساتھ جہاں انگلینڈ نے دوسری بار ٹی ٹوئنٹی ورلڈکپ کا ٹائٹل جیت لیا وہیں اس نے ایک اہم اعزاز بھی اپنے نام کرلیا۔
انگلینڈ کرکٹ ٹیم بیک وقت ون ڈے اور ٹی ٹوئنٹی ورلڈکپ کا ٹائٹل اپنے پاس رکھنے والی پہلی ٹیم بن گئی۔
جی ہاں انگلش ٹیم نے2019 میں آخری آئی سی سی ون ڈے ورلڈکپ اپنے نام کیا تھا جبکہ اب ٹی ٹوئنٹی ورلڈکپ بھی جیت لیا ہے۔
انگلینڈ کے پاس اب ایک ہی وقت میں ون ڈے اور ٹی ٹوئنٹی دونوں ورلڈکپ کے ٹائٹل ہیں۔
اس سے قبل کوئی بھی ٹیم ون ڈے اور ٹی ٹوئنٹی ورلڈ کپ ٹائٹل ایک ہی وقت میں اپنے نام کرنے میں کامیاب نہیں ہوئی۔
واضح رہے کہ انگلش ٹیم نے اوئن مورگن کی کپتانی میں 2019 کا ورلڈکپ جیتا تھا۔اس کے علاوہ 2010 میں پال کولنگ ووڈ کی قیادت میں پہلی بار انگلینڈ نے ٹی ٹوئنٹی ورلڈکپ کا ٹائٹل اپنے نام کیا تھا۔
اگلا ون ڈے ورلڈکپ 2023 میں بھارت میں منعقد ہوگا۔جب تک ایک روزہ ورلڈکپ کا ٹائٹل انگلش ٹیم کے پاس ہی رہے گا۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
