14 نومبر ، 2022 
پاکستان کا نیا ٹی ٹوئنٹی کپتان کسے ہونا چاہیے؟ محمد عامر نے اپنی پسند بتا دی
14 نومبر ، 2022
آسٹریلیا میں ہونے والے ٹی ٹوئنٹی ورلڈ کپ میں شکست کے بعد قومی کرکٹ ٹیم میں تبدیلیوں کی بازگشت سنائی دے رہی ہے جبکہ بعض کرکٹ مبصرین اہم کھلاڑیوں کو آرام دینے کا مشورہ بھی دے رہے ہیں۔
ٹی ٹوئنٹی ورلڈ کپ کے اختتام سے قبل ہی یہ قیاس آرائی کی جارہی تھی کہ ایونٹ کے بعد کچھ تبدیلیاں تو ضرور کی جائیں گی جبکہ موجودہ کپتان بابر اعظم پر ذمہ داریوں کا بوجھ کم کرنے کیلئے ٹی ٹوئنٹی ٹیم کیلئے نیا کپتان مقرر کرنے کی باتیں بھی کی جا رہی ہیں۔
اسی حوالے سے اسپورٹس جرنلسٹ نے سوشل میڈیا پر محمد رضوان، شاداب خان، شان مسعود اور شاہین آفریدی کی تصاویر لگا کر یہ سوال اٹھایا کہ آپ کے خیال میں پاکستان ٹی ٹوئنٹی ٹیم کا نیا کپتان کسے ہونا چاہیے اور کیوں؟
اس ٹوئٹ کے جواب میں فاسٹ بولر محمد عامر نے تبصرہ کرتے ہوئے آل راؤنڈر شاداب خان کا نام لیا۔
عامر نے شاداب خان کا نام لینے کی وجہ بتاتے ہوئے کہا کہ ’شاداب خان بولنگ کر سکتا ہے، بیٹنگ کرسکتا ہے اور فیلڈنگ بھی اچھی ہے، وہ کھیل کی صورتحال کو بہت اچھی طرح سمجھتا ہے۔‘
خیال رہے کہ قومی کرکٹ ٹیم وطن واپسی کیلئے آسٹریلیا سے روانہ ہوگئی ہے۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
