16 نومبر ، 2022 
بابر آگیا تو مجھے بھول جاؤگے؟ حارث کا مداح سے سوال
16 نومبر ، 2022
ٹی ٹوئنٹی ورلڈکپ میں جنوبی افریقا کے خلاف شاندار پرفارمنس دکھانے والے محمد حارث نے مداح سے دلچسپ سوال پوچھ لیا۔
سوشل میڈیا پر محمد حارث کی اسٹیڈیم میں مداحوں کے ہمراہ ایک ویڈیو وائرل ہورہی ہے جس میں حارث کو مداحوں کو ان کے موبائل میں سیلفی لیتے دیکھا جاسکتا ہے۔
ویڈیو میں محمد حارث مداحوں کے موبائل میں سیلفی لے رہے ہیں اسی دوران ایک مداح کی جانب سے آواز آتی ہے وہ دیکھو بابر آگیا۔
جس کے بعد محمد حارث سر اٹھا کر مداح سے سوال کرتے ہیں اگر بابر آگیا تو محمد حارث کو بھول جاؤ گے؟
بعد ازاں کیمرہ مین حارث کو کچھ کہتے ہیں اور وہ آگے کی جانب بڑھ جاتے ہیں۔
واضح رہے کہ آئی سی سی ٹی ٹوئنٹی ورلڈکپ میں شرکت کے بعد قومی کرکٹ ٹیم کے کپتان بابر اعظم سمیت کئی کھلاڑی وطن واپس پہنچ چکے ہیں، وطن واپسی پر مداحوں کی جانب سے کھلاڑیوں کا والہانہ استقبال کیا گیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
