انٹرٹینمنٹ
20 نومبر ، 2022

جو خوشی پہلی تنخواہ سے راشن لے کر امی کو دینے پر آئی تھی وہ دوبارہ نہیں آسکتی: راج کمار

فوٹو: فائل
فوٹو: فائل

بالی وڈ کے نامور اداکار  راج کمار  راؤ  نے اپنی پہلی تنخواہ اور  اس سے لینے والے گھر کے سامان سے متعلق انکشاف کیا ہے۔

بھارتی کامیڈین ذاکر خان کو دیے انٹرویو میں راج کمار راؤ نے بالی وڈ میں قدم رکھنے سے قبل کی زندگی سے متعلق گفتگو کی، انہوں نے بتایا کہ ان کے والد گورنمنٹ سیکٹر میں ملازم تھے۔

اداکار نے بتایا کہ انہوں نے ملازمت کی شروعات بطور ڈانس ٹیچر کے کی تھی، وہ ایک بچی کو ڈانس سکھانے جایا کرتے تھے اور ان کی پہلی تنخواہ 300 روپے تھی۔

دوران انٹرویو راج کمار نے بتایا 'جب مجھے میری زندگی کی پہلی تنخواہ 300 روپے ملی تو اس وقت میں آٹھویں جماعت کا طالب علم تھا، میں نے ان 300 روپے سے گھر کا راشن لیا جس میں دال، چاول، چینی اور نمک وغیرہ تھوڑی تھوڑی مقدار میں تھا'۔

بات جاری رکھتے ہوئے اداکار نے کہا 'میں نے یہ سامان لے جا کر اپنی والدہ کو دیا تو اس وقت جو خوشی مجھے محسوس ہوئی وہ دوبارہ کبھی نہیں ہو سکتی چاہے میں زندگی میں جتنا مرضی کما لوں'۔

انہوں نے کہا 'اب میں زندگی میں کسی کو کچھ بھی لے کر دے سکتا ہوں لیکن ان 300 روپے سے لیا ہوا سامان ہمیشہ میرے لیے خاص رہے گا'۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM