21 نومبر ، 2022 
جی میل پر تمام ای میلز بیک وقت ڈیلیٹ کرنے کا طریقہ جانتے ہیں؟
21 نومبر ، 2022
جی میل دنیا میں سب سے زیادہ استعمال ہونے والی ای میل سروس ہے۔
اب دفتری امور کے لیے اسے استعمال کیا جائے یا ذاتی مقاصد کے لیے، اس بات کا قوی امکان ہے کہ ان باکس میں لاتعداد ای میلز موجود ہوسکتی ہیں۔
اس کے باعث کئی بار غیرضروری ای میلز کو ڈھونڈ کر ڈیلیٹ کرنا کافی مشکل ہوتا ہے۔
اچھی بات یہ ہے کہ جی میل میں آپ آسانی سے تمام غیر ضروری ای میلز کو بیک وقت ڈیلیٹ کرسکتے ہیں۔
تمام ای میلز ڈیلیٹ کریں
اس مقصد کے لیے کمپیوٹر یا لیپ ٹاپ پر جی میل کو اوپن کریں اور پھر سلیکٹ باکس پر کلک کریں۔
ایسا کرنے کے بعد All 50 conversations on this page are selected میسج کے برابر میں تمام ای میلز کو سلیکٹ کرنے کا آپشن ہوگا۔
اس پر کلک کرکے ڈیلیٹ کا بٹن دبائیں، آپ کا ان باکس مکمل طور پر خالی ہوجائے گا۔
ریڈ ای میلز ڈیلیٹ کریں
کمپیوٹر پر جی میل اوپن کرکے سرچ بار پر label:read لکھ کر سرچ کریں تو وہ تمام ای میلز اسکرین پر آجائیں گی جن کو اب تک پڑھ چکے ہیں۔
اس کے بعد سلیکٹ باکس پر کلک کرکے تمام ای میلز کو ڈیلیٹ کردیں۔
یہی طریقہ کار ان ای میلز کے لیے بھی اپنایا جاسکتا ہے جن کو کھولا نہیں گیا بس سرچ بار پر label:unread سرچ کرنا ہوگا۔
مخصوص کانٹیکٹ کی ای میلز ڈیلیٹ کریں
اس کے لیے جی میل کی سرچ بار پر اس کانٹیکٹ کا ای میل ایڈریس درج کریں جس کی ای میلز ڈیلیٹ کرنا چاہتے ہیں۔
اس کے بعد سلیکٹ باکس پر کلک کرکے تمام ای میلز کو ڈیلیٹ کردیں۔
مزید خبریں :
تھریڈز میں نئے سرچ ٹول کا اضافہ
8 گھنٹے پہلے
2024 میں وکی پیڈیا پر دنیا بھر میں لوگ کیا پڑھتے رہے؟
03 دسمبر ، 2024
جی میل میں ایک دلچسپ فیچر صارفین کے لیے متعارف
02 دسمبر ، 2024
