05 دسمبر ، 2022 
مستقبل میں آئی فون کی جگہ لینے والی ایپل کی نئی ڈیوائس تاخیر کا شکار
05 دسمبر ، 2022
ایپل کی جانب سے 2023 میں کمپنی کے پہلے مکسڈ رئیلٹی ہیڈ سیٹ کو متعارف کرانے کی تیاری کی جارہی ہے۔
مگر ایک نئی رپورٹ میں دعویٰ کیا گیا ہے کہ ایپل کی نئی ڈیوائس تاخیر کا شکار ہوگئی ہے۔
تجزیہ کار منگ چی کیو کے مطابق ایپل کی جانب سے مکسڈ رئیلٹی ہیڈسیٹ کو 2023 کی پہلی سہ ماہی کے دوران متعارف کرائے جانے کی منصوبہ بندی کی گئی تھی۔
مگر پرزہ جات کی قلت کے باعث اب یہ ڈیوائس 2023 کی آخری ششماہی کے دوران متعارف کرائے جانے کا امکان ہے۔
رپورٹ کے مطابق پہلے ایپل کی جانب سے 8 سے 12 لاکھ ڈیوائسز کو تیار کیا جانا تھا مگر اب یہ تعداد 5 لاکھ کردی گئی ہے۔
خیال رہے کہ ایپل کی جانب سے مکسڈ رئیلٹی ہیڈسیٹ پر کافی عرصے سے کام کیا جارہا ہے جس کی قیمت 2 سے 3 ہزار ڈالرز کے درمیان ہوسکتی ہے۔
اس ہیڈسیٹ کے اندر اور باہر 10 کیمرے نصب ہوں گے اور ڈسپلے کا ریزولوشن بہت زبردست ہوگا۔
آنے والے برسوں میں اس کو آئی فون کا متبادل بنانے کی کوشش کی جائے گی۔
تجزیہ کاروں کے مطابق ایپل کا مقصد 10 برسوں اے آر کو آئی فون کی جگہ دینا ہے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
