12 دسمبر ، 2022 
گوگل کروم میں صارفین کے لیے بہترین شارٹ کٹس کا اضافہ
12 دسمبر ، 2022
ویب براؤزنگ کے لیے دنیا بھر میں گوگل کروم کا استعمال سب سے زیادہ ہوتا ہے جس میں اکثر ٹیبز میں اوپن ویب سائٹس کو تلاش کرنا مسئلہ بن جاتا ہے۔
انٹرنیٹ براؤزنگ کے اس مسئلے سے صارفین اکثر پریشان رہتے ہیں اور یہی وجہ ہے کہ گوگل نے کروم میں ایک نئے فیچر کا اضافہ کیا ہے۔
یہ فیچر 3 شارٹ کٹس پر مبنی ہے جس سے ٹیبز، بک مارکس اور ہسٹری میں مطلوبہ مواد ڈھونڈنا آسان ہوجاتا ہے۔
اس مقصد کے لیے کروم میں ایڈریس بار میں @ ٹائپ کریں تو نیچے ٹیبز، بک مارکس اور ہسٹری کے آپشن نظر آجائیں گے۔
اگر آپ نے کروم پر بہت زیادہ ٹیبز اوپن کی ہوئی ہیں تو @ ٹائپ کرنے کے بعد نیچے سرچ ٹیب پر کلک کرکے مطلوبہ ویب سائٹ کا نام ٹائپ کرکے انٹر کلک کریں۔
ایسا کرنے پر مطلوبہ ٹیب اوپن ہوجائے گی۔
اسی طرح @ ٹائپ کرکے سرچ بک مارکس پر کلک کرکے مطلوبہ سائٹ کا نام درج کرنے پر اس کا بک مارک مل جائے گا۔
ایک اور آپشن @ ہسٹری کا ہے جس سے براؤزنگ ہسٹری میں ایسی سائٹس کو ڈھونڈ سکتے ہیں جن پر وزٹ تو کیا مگر انہیں بک مارک میں محفوظ نہیں کیا۔
اس کے لیے بھی ایڈریس بار میں @ ٹائپ کرکے نیچے ہسٹری سرچ پر کلک کرکے مطلوبہ سائٹ کے کی ورڈ کا اندراج کریں۔
مزید خبریں :
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
