14 دسمبر ، 2022 
پاکستان
شہباز شریف سیاسی ورثہ داؤ پر لگا کر ملک کو ڈیفالٹ سے بچارہے ہیں: سابق وزیر خزانہ کی پروگرام میں گفتگو/ فائل فوٹو
آئی ایم ایف پروگرام کی واپسی تک ملک میں ڈیفالٹ کا خطرہ رہے گا: مفتاح
14 دسمبر ، 2022
سابق وزیرع خزانہ مفتاح اسماعیل کا کہنا ہے کہ آئی ایم ایف کے پروگرام کی واپسی تک ملک میں ڈیفالٹ کا خطرہ رہے گا ۔
جیو نیوز کے پروگرام آج شاہزیب خانزادہ میں گفتگو کرتے ہوئے مفتاح اسماعیل نے کہا کہ آئی ایم ایف نہ آیا تو دیگر مالیاتی ادارے بھی قرض نہیں دیں گے، دوست ملکوں کے پیسوں سے عارضی ریلیف مل جائے گا ۔
انہوں نے تجویز دی کہ پیٹرولیم مصنوعات کی عالمی قیمتوں میں کمی ٹیکس بڑھانے کے لیے استعمال کی جائے جب کہ گیس مہنگی کرنا بھی لازمی ہے ۔
مفتاح اسماعیل کا کہنا تھاکہ 22 لاکھ میں سے صرف 30 ہزار دکان دار ٹیکس دیتے ہیں، پاکستان کو امیروں پر ٹیکس لگانا ہوگا ۔
انہوں نے کہا کہ شہباز شریف سیاسی ورثہ داؤ پر لگا کر ملک کو ڈیفالٹ سے بچارہے ہیں۔
