آئی فون نے گاڑی کے حادثے کے بعد ایک جوڑے کی زندگی بچالی

ایپل کی آئی فون 14 سیریز کو ستمبر میں متعارف کرایا گیا تھا۔

اس سیریز کے فونز میں 2 فیچرز ایسے ہیں جو لوگوں کے تحفظ کے لیے بہت اہم ہیں۔

کریش ڈیٹیکشن اور سیٹلائیٹ کے ذریعے ایمرجنسی ایس او ایس میسجز بھیجنے جیسے فیچرز کا مقصد انسانی زندگیاں بچانا ہی ہے۔

پوری دنیا 18 دسمبر کو انٹرنیٹ پر ایک ہی چیز سرچ کرتی رہی، گوگل سی ای او

فیفا ورلڈکپ 2022 کے فائنل نے گوگل کی تاریخ کے تمام انٹرنیٹ سرچیز کے ریکارڈز توڑ دیے۔

ان دونوں فیچرز نے امریکا میں ایک جوڑے کی زندگی بچالی جس کی گاڑی ایک پہاڑی سے نیچے 300 فٹ گہرائی میں گرگئی تھی۔

یہ واقعہ ریاست کیلیفورنیا کے علاقے اینجلز نیشنل فارسٹ میں پیش آیا تھا۔

کلوئی فیلڈز اور ان کے بوائے فرینڈ کرسٹین زیلڈا اس پہاڑی سلسلے میں سفر کررہے تھے جب ان کی گاڑی پہاڑی سے نیچے گرگئی۔

کلوئی فیلڈز کے مطابق ہم ایک گاڑی کو گزرنے کا راستہ دے رہے تھے جب اچانک ہماری گاڑی نیچے جاگری۔

انہوں نے بتایا کہ حادثے کے نتیجے میں گاڑی زمین سے ٹکرا کر الٹ گئی تھی مگر کرشماتی طور پر وہ دونوں محفوظ رہے حالانکہ گاڑی کو بہت زیادہ نقصان پہنچا تھا۔

تصاویر: اپنے ہی خون سے پینٹنگز بنانیوالا فنکار

الیٹو نے بتایا کہ 2023 میں وہ خون سے بنائی جانے والی دنیا کی سب سے بڑی پینٹنگ پر کام کریں گے جس کا کینوس 100 میٹر وسیع ہوگا۔

دونوں رینگ کر گاڑی سے باہر نکلے تو انہیں معلوم ہوا کہ چند خراشوں کے سوا انہیں کچھ نہیں ہوا تھا۔

اس وقت دوپہر کے 2 بجے تھے اور وہ سڑک سے سیکڑوں فٹ نیچے موجود تھے، جبکہ گاڑی میں رکھے فون بھی کہیں گم ہوگئے تھے۔

مگر خوش قسمتی سے کرسٹین زیلڈا نے کلوئی فیلڈز کا آئی فون 14 ڈھونڈ لیا جو گاڑی سے 10 گز دور جاگرا تھا۔

اس علاقے میں موبائل سگنل موجود نہیں تھے جبکہ فون کی اسکرین بھی متاثر ہوئی تھی۔

مگر فون کی اسکرین پر ایک میسج موجود تھا جس میں کریش ڈیٹیکشن کا ذکر کرتے ہوئے ایمرجنسی سروسز سے رابطے کا آپشن دیا گیا تھا۔

ایک فیس بک پوسٹ نے 44 سال سے بچھڑے ماں بیٹے کو ملا دیا

حیران کن بات یہ ہے کہ ماں کو لگتا تھا کہ بیٹا زندہ نہیں جبکہ بیٹے کا بھی ماں کے بارے میں یہی خیال تھا۔

ویسے تو فون کی اسکرین ناکارہ لگ رہی تھی مگر کلوئی فیلڈز ایمرجنسی سروسز کو ٹیکسٹ میسج بھیجنے میں کامیاب ہوگئیں۔

موبائل یا وائی فائی سگنل نہ ہونے کے باوجود ان کا میسج سیٹلائیٹ فیچر کے ذریعے ایمرجنسی سروسز تک پہنچا۔

ایمرجنسی سروسز کی جانب سے انہیں 30 منٹ کے اندر اس جگہ سے ہیلی کاپٹر کے ذریعے محفوظ مقام پر منتقل کردیا گیا۔

دلچسپ بات یہ ہے کہ کلوئی فیلڈز کو معلوم بھی نہیں تھا کہ ان کے فون میں سیٹلائیٹ فیچر موجود ہے کیونکہ کمپنی نے اسے نومبر میں ہی امریکا اور کینیڈا میں متعارف کرایا تھا۔

اس فیچر سے صارفین اپنی لوکیشن بھی آسانی سے شیئر کرسکتے ہیں۔