ن لیگ ارکان کی تعداد زیادہ ہے، پنجاب میں وزارتِ اعلیٰ ان کا حق ہے: آصف زرداری

سابق صدر آصف علی زرداری نے کہا ہےکہ پنجاب اسمبلی میں ن لیگ کے ارکان کی تعداد زیادہ ہے اور وزارتِ اعلیٰ ان کا حق ہے۔

اپنے بیان میں سابق صدر کا کہنا تھاکہ میرے لیے حمزہ شہباز اوربلاول بھٹو میں کوئی فرق نہیں، حمزہ شہباز  میرے لیے بلاول بھٹوسے کم نہیں۔

آصف زرداری کے رابطے تیز، وزارت اعلیٰ پنجاب پی پی کو دیے جانے کا امکان

وزیراعلیٰ کیلئے حتمی نام کا فیصلہ آصف زرداری، چوہدری شجاعت اور نوازشریف کی باہمی رضامندی سے ہوگا: ذرائع

انہوں نے کہا کہ پنجاب اسمبلی میں ن لیگ ارکان کی تعداد زیادہ ہے لہٰذا پنجاب میں وزارتِ اعلیٰ ان کا حق ہے۔

خیال رہے کہ گزشتہ دنوں یہ خبریں سامنے آئی تھیں کہ سابق صدر پنجاب میں وزارت اعلیٰ پیپلزپارٹی کو دلانے کیلئے سرگرم ہیں اور پی پی کے حسن مرتضیٰ سمیت 3 افراد کے نام وزارت اعلیٰ کی دوڑ میں شامل ہیں۔

تاہم اب ان خبروں کی تردید ہوگئی ہے۔