28 دسمبر ، 2022 
گوگل میپس کا وہ فیچر جو لوگوں کے تحفظ کیلئے بہت اہم ثابت ہوسکتا ہے
28 دسمبر ، 2022
گوگل میپس کو دنیا بھر میں کروڑوں افراد استعمال کرتے ہیں اور اس میں ایک فیچر آپ کے یا دوستوں یا رشتے داروں کے تحفظ کے لیے بہت اہم ثابت ہوسکتا ہے۔
گوگل میپس میں لائیو لوکیشن ٹریکنگ کو استعمال کرکے آپ رشتے داروں کے بحفاظت منزل پر پہنچنے یا کسی جگہ ملنے کو یقینی بناسکتے ہیں۔
یہ واٹس ایپ کی لوکیشن ٹریکنگ جیسا ہی فیچر ہے مگر گوگل میپس میں زیادہ بہتر طریقے سے کام کرتا ہے، بس آپ کو اور آپ کے دوست یا رشتے دار کو ایک دوسرے کو لائیو لوکیشن ٹریکنگ کی اجازت دینا ہوتی ہے۔
فیچر کو کیسے استعمال کریں؟
اس فیچر کو استعمال کرنے کے لیے فون میں گوگل میپس کو اوپن کریں اور پروفائل پکچر پر کلک کرکے وہاں مینیو میں لوکیشن شیئرنگ کو سلیکٹ کریں۔
اس کے بعد شیئر لوکیشن پر کلک کریں گے تو گوگل میپس کی جانب سے کانٹیکٹس کو اوپن کردیا جائے گا جہاں سے مطلوبہ فرد کا انتخاب کیا جاسکتا ہے۔
ایک بار لوکیشن شیئر کرنے کے بعد صارف کو لائیو اپ ڈیٹ ملے گی کہ اس کے دوست اب کہاں ہیں بلکہ یہ بھی دیکھنا ممکن ہوگا کہ ان کے فون کی بیٹری پاور کتنی رہ گئی ہے۔
لوکیشن شیئرنگ کے لیے مخصوص وقت کا تعین کرنا بھی ممکن ہے، یہ فیچر موبائل ایپ پر ہی کام کرے گا۔
جیسا اوپر درج کیا جاچکا ہے کہ یہ فیچر اسی وقت کام کرے گا جب وہ فرد آپ کے ساتھ لوکیشن شیئر کرچکا ہو۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
