اداکار عنایت خان کو’ چوتھی مرتبہ‘ ڈاکوؤں نے لوٹ لیا

اداکار عنایت خان بھی اسٹریٹ کرمنلز کا شکار ہوگئے جس کی اطلاع  انہوں نے سوشل میڈیا اکاؤنٹ کے ذریعے دی۔

عنایت خان نے انسٹاگرام اسٹوری درج کرتے ہوئے بتایا کہ رات کو جم سے گھر واپسی پر تقریباً 12:35 پر 2ضرورت مند لڑکوں نے پستول دکھا کر  میرا سیل فون اور کچھ ضروری سامان چھین لیا۔

اداکار نے لکھا کہ میں یہ بات شاید اسٹیٹس پر شیئر نہیں کرتا لیکن یہ میرے ساتھ چوتھی بارہوا ہے۔

ویڈیو: کراچی میں ڈاکوؤں نے حجامت کیلئے آنیوالوں کی جیبیں صاف کردیں

گزشتہ روز بلدیہ ٹاون میں واقع حجام کی دکان میں ڈاکو گھس گئے جہاں انہوں نے دکان میں بیٹھے سب کے سب افراد کو اسلحہ کے زور پر لوٹ لیا۔

عنایت خان نے اپنی انسٹااسٹوری پر درخواست بھی کہ  میری سندھ پولیس سے مودبانہ گزارش ہے کہ برائے مہربانی اسٹریٹ کرائمز پر قابو پائیں، مجھے پتا ہے کہ آپ کو انصاف دینے میں وقت لگے گا لیکن اپنا 100 فیصد دیں تاکہ باقی لوگ نقصان سے بچ سکیں۔